आजच्या आधुनिक २१ व्या शतकात असंख्य गॊष्टी ऑनलाईन शॉपिंगच्या माध्यमातून घरबसल्या एका क्लीकवर खरेदी करता येतात. यामध्ये  जीवनावश्यक  वस्तूंपासून  ते चैनीच्या सर्व वस्तूंचा समावेश आहे. केवळ पूजेतच नव्हे, तर अनेक ठिकाणी उपयोगात  आणल्या  जाणाऱ्या  गोमातेच्या  शेणापासून  तयार  करण्यात आलेल्या गोवऱ्याही एक दिवस ऑनलाईन उपल्बध होतील. हा विचारही कुणाच्या ध्यानीमनी आला नसेल. हे सत्य आहे. आता गायीच्या शेणापासून तयार करण्यात आलेल्या गोवऱ्यांचीही ऑनलाईन विक्री सुरु झाली आहे. तुम्ही  गोवऱ्यांचे  ऑनलाईन बुकींग करा, गोवऱ्या घरपोच मिळून जातील. काही बाबतीत गोवऱ्या घेतानाच त्याचे पैसे देण्याची, अर्थातच कॅशऑन डिलिव्हरीची देखील सोय उपलब्ध आहे. शिवाय गोवऱ्यांवर डिस्काउंटही  दिला जातो. या गोवऱ्या  लहान  मोठया  आकारात  उपलब्ध  आहेत, हे  विशेष. पुण्यातील  एका तरुण व्यावसायिकाने हा व्यवसाय सुरु केला आहे.