सर्वसामान्य भारतीयांच्या मनात भारतीय संसदेबद्दल नेहमीच कुतूहल आणि त्याबाबत माहिती जाणून घेण्याची इच्छा असते. तरुणांसाठी या संसदेमध्ये काम करण्याची सुवर्णसंधी चालून आली आहे. भारतीय लोकसभा सचिवालयाने त्यांच्या अधिकृत https://loksabha.nic.in/ या संकेतस्थळावर भरतीची अधिसूचना जारी केली आहे. त्यानुसार ‘संसदीय दुभाषी’ पदासाठी १३ जागा जाहीर करण्यात आल्या आहेत. पात्र आणि इच्छुक उमेदवार ३ एप्रिल २०२३ पर्यंत ऑनलाइन अर्ज करु शकतात.

भारतीय संसद भरती अधिसूचना ७ मार्च २०२३ रोजी जाहीर करण्यात आली आहे. त्यानुसार एकूण १३ जागा भरण्यात येणार आहेत. त्या पदांपैकी ८ जागा ‘इंग्रजी’ आणि ‘हिंदी’ दुभाषीसाठी तर ‘डोंगरी’, ‘काश्मिरी’, ‘कोकणी’, ‘संथाली’ आणि ‘सिंधी’ प्रादेशिक भाषा दुभाषींसाठी ५ जागा असणार आहेत. उमेदवारांची अंतिम निवड भरती प्रक्रियेच्या विविध टप्प्यांमध्ये पात्र ठरल्यानंतर होईल. भरतीसाठी ऑनलाइन अर्ज सुरू करण्याची तारीख ७ मार्च असून शेवटची तारीख ३ एप्रिल २०२३ आहे.

संसदेच्या अधिकृत संकेतस्थळावर पात्र आणि इच्छुक भारतीय नागरिकांसाठी ऑनलाइन अर्ज प्रक्रिया सुरु करण्यात आली आहे. अर्ज करण्यासाठी या https://pvp.nic.in/Interpreter/ लिंकला भेट द्यावी.