यांत्रिक अभियांत्रिकी’ ही अभियांत्रिकीच्या सर्वांत जुन्या शाखांपैकी एक आहे. ही एक अभियांत्रिकीची अतिशय विस्तारित शाखा आहे. मुलांच्या रोजगाराच्या दृष्टीने ही शाखा महत्त्वपूर्ण ठरते. नोकरी न मिळाल्यास मुले स्वत: चा व्यवसाय करू शकतात. या शाखेत साधारणपणे यांत्रिक व्यवस्थेमागचे तत्त्व व तिच्या उत्पादनासाठी लागण्याऱ्या भौतिक नियमांचा अभ्यास आणि वापर अंतर्भूत असतो. यांत्रिकी अभियांत्रिकी हा एक व्यापक अभियांत्रिकी विषय आहे. यांत्रिकी अभियंते नवीन ‘डिझाईन’ करतात, विकसित करतात, तयार करतात आणि चाचणी करतात.

‘अभियांत्रिकी’ म्हणजे कोणत्याही वस्तूसाठी नवकल्पना करून उत्पादनापर्यंतच्या प्रवासाचा अभ्यास, तत्त्वे आणि समस्या सोडविण्याच्या तंत्राचा वापर करण्याची शैली होय. यांत्रिक अभियंता गती, ऊर्जा आणि शक्ती या तत्त्वांचा वापर करून त्यांच्या कार्याचे विश्लेषण करतात. आपली नवनिर्मिती सुरक्षितपणे, कार्यक्षमतेने आणि विश्वासाने कार्य करते का,  याची खात्री करतात. यांत्रिकी अभियंते नवीन निर्माण करण्यासाठी आधीच्या निर्मित यंत्रांमध्ये फरक शोधत असतात. यांत्रिक अभियांत्रिकीतील करिअर म्हणजे मानवी गरजा भागविण्यासाठी तंत्रज्ञान तयार करण्याचे केंद्र आहे. वास्तविकपणे आधुनिक जीवनातील प्रत्येक उत्पादन किंवा सेवा मानवजातीस मदत करण्यासाठी केली गेली आहे.

यामध्ये आजची समस्या सोडविणे आणि आरोग्य सेवा, उर्जा, वाहतूक, जगातील भूक, अवकाश अन्वेषण, हवामान बदल आणि बरेच काही भविष्यात निराकरण करणे समाविष्ट आहे. अनेक क्षेत्रांमध्ये अनेक आव्हाने पेलणे आणि नवकल्पनांमध्ये गुंतलेले राहणे म्हणजे यांत्रिकी अभियांत्रिकीचे शिक्षण आहे. या व्यापक मागणीची पूर्तता करण्यासाठी, यांत्रिक अभियंता यंत्र तयार करू शकतात. सुक्ष्मपासून स्थूलपर्यंतची निर्मिती करतात. हालचाल होत असलेल्या कोणत्याही गोष्टीसाठी यांत्रिक अभियंत्याचे कौशल्य आवश्यक आहे.

एखादी कल्पना प्रत्यक्षात आणण्याचे कठीण कार्य पूर्ण करण्यासाठी यांत्रिकी अभियांत्रिकी सर्जनशीलता, ज्ञान आणि विश्लेषणात्मक साधनांची जोड देते. यांत्रिकी अभियंत्यांकडे अपार संधी आहेत. त्यांचे शिक्षण यासाठी पूरक आहे. कोणत्याही अभियांत्रिकी परिस्थितीस लागू असणार्‍या विश्लेषणात्मक आणि समस्या सोडविण्याच्या कौशल्यांना बळकटी देताना विद्यार्थी एका क्षेत्रावर लक्ष केंद्रित करतात. ‘रोबोटिक्स’, ‘मिक्रोग्रीड’ अशा विविध नाविन्यपूर्ण विषयांवर हे अभियंते कार्यरत असतात. समाज कायमच यांत्रिकी अभियांत्रिकीवर अवलंबून आहे. बर्‍याच क्षेत्रात या तज्ज्ञांची आवश्यकता मोठी आहे. यासाठी कोणतीही वास्तविक मर्यादा नाही. नोकर्‍या नेहमी उपलब्ध असतात. त्यामुळे, यांत्रिकी अभियांत्रिकीकडे अनेक तरुण-तरुणी वळतात.