पूर्वी ग्रामीण भागात एका गावात सरासरी एकच किराणा दुकान असायचे; परंतु आता प्रत्येक गावात किराणा दुकानांची संख्या वाढली आहे. शहरी भागात तर हे प्रमाण फारच जास्त आहे. आताच्या या स्पर्धेच्या जगात, आपला व्यवसाय-धंदा कोणताही असू द्या. आपणास त्याची जाहिरात करावीच लागते. जाहिरात दोन स्वरूपात असते.१. ऑनलाईन २. ऑफलाईन आपण ऑनलाईन जाहिरात करीत असाल किं द्धतीने पत्रके वाटून केलेली जाहिरात असेल,ती आवश्यकच आहे. जर ग्राहक आकर्षित करायचे असतील तर आपणास जाहिरात करावीच लागेल.

आपण आपल्या व्यवसायाची विविध माध्यमांद्वारे जाहिरात करू शकता. जसे की, वृत्तपत्रामध्ये जाहिरात देऊन, मासिकांमध्ये आपल्या व्यवसायाची माहिती प्रकाशित करून, फलक लावून, दुकानाच्या पाट्या, वीजबिलावरच्या पाट्या, प्रसिद्धीपत्रके छापून ती ठिकठिकाणी वाटून जाहिरात करू शकता. आकाशवाणीवर देखील व्यवसायाची जाहिरात करू शकता. आपला व्यवसाय मोठा असेल तर टीव्हीवरच्या विविध वाहिन्यांवर देखील व्यवसायाची जाहिरात देऊ शकता. त्यासाठी त्यांच्याकडून ठराविक सेकंदासाठी पैसे आकारले जातात.

टीव्ही आणि आकाशवाणीवरच्या जाहिराती या जरी कार्यक्रमात दिसत असल्या तरी त्या आधीच त्यांना पैसे देऊन दाखवीत असल्यामुळे त्या ‘ऑफलाईन’ जाहिरात प्रकारामध्ये धरलेल्या आहेत. ऑनलाईन जाहिरात म्हणजे महाजालावर आपल्या व्यवसायाची जाहिरात करणे. या प्रकारामध्ये देखील आपण विविध माध्यमांद्वारे आपल्या व्यवसायाची तथा धंद्याची जाहिरात करू शकता.

जसे की गूगल, फेसबूक,इन्स्टाग्राम,लिंकेडीन,पिंटरेस्ट, विविध संकेतस्थळावरील जाहिराती, ईमेल द्वारेजाहिरात, व्हॉटस ॲप वरील जाहिरात, इ. या प्रकारामध्ये आपणास पाहिजे त्या क्षेत्रातील लोकांना आपण आपली जाहिरात दाखवू शकता. तेथील ग्राहक मिळवू शकता. गूगलवर आपण आपल्या व्यवसायाची जाहिरात लावू शकता; जेणेकरून आपण ज्या क्षेत्रातील ग्राहक वर्गासाठी ती जाहिरात बनविलेली आहे, त्या क्षेत्रातील लोक आपल्या व्यवसायाशी संबंधित ‘गूगल सर्च’ करतील, तर त्यांना आपली जाहिरात पहिल्या क्रमांकावर दिसेल. ज्याच्या माध्यमातून आपण ग्राहक मिळवू शकता. फेसबूकवर देखील आपण व्यवसायाची जाहिरात करू शकता.व्यवसायातील यशासाठी गुणवत्ता हवी, मेहनत हवी आणि जाहिरातही हवीच!