भाजप खासदार ब्रिजभूषण शरण सिंह यांच्याविरोधात कुस्तीपटूंच्या समर्थनावर आता मनसे अध्यक्ष राज ठाकरे यांनी आपली प्रतिक्रिया दिली आहे. त्यांनी पंतप्रधान नरेंद्र मोदी यांना त्यांच्या मागण्या ऐकून घेण्याचे आवाहन केले आहे. ज्यांच्या मेहनतीने देशासाठी अनेक पदके जिंकली त्या ‘देशाच्या कन्या’ न्यायासाठी याचना करत आहेत, असे राज ठाकरे म्हणाले.

28 मे रोजी घडलेल्या प्रकाराप्रमाणे त्यांना ही वागणूक मिळायला नको होती. या प्रश्नांकडे लक्ष देण्याची, त्यांचे म्हणणे ऐकून तोडगा काढण्याची गरज आहे, असे आवाहन त्यांनी पंतप्रधानांना केले.

सन्मा. भारताचे पंतप्रधान @narendramodi जी, ज्यांचा गौरव आपण ‘देश की बेटियाँ’ असा करत आलो, ज्यांच्या श्रमातून आपल्या देशाला कुस्तीच्या खेळात अनेक पदकं बघायला मिळाली असे कुस्तीपटू न्यायासाठी आक्रोश करत असताना २८ मे ला ज्या पद्धतीने त्यांची जशी फरफट झाली तशी फरफट पुन्हा होऊ नये.… pic.twitter.com/Qzjivo91xh

— Raj Thackeray (@RajThackeray) May 31, 2023

मनसे अध्यक्ष राज ठाकरे यांनी पंतप्रधान मोदींना पत्र लिहिले आहे. यामध्ये त्यांनी म्हटले आहे की, “ज्या महिला कुस्तीपटूंना आपण अभिमानाने आपल्या देशाच्या मुली म्हणतो आणि ज्यांच्या मेहनतीमुळे आपल्याला देशाला अनेक पदके पाहण्याची संधी मिळाली आहे. त्या अनेक दिवसांपासून दिल्लीत न्यायासाठी याचना करत आहेत.

भारतीय कुस्ती महासंघाच्या प्रमुखावर लैंगिक छळाचा आरोप आहे. महिला कुस्तीपटूंना न्याय मिळेल आणि कोणत्याही प्रकारे त्यांच्यावर दबाव आणला जाणार नाही, असे आश्वासन सरकारकडून हवे आहे.”