महाराष्ट्र विधिमंडळाच्या २२ सदस्यांचे शिष्टमंडळ जर्मनी, नेदरलॅंड व इंग्लंडच्या अभ्यास दौऱ्यावर आहे. विधानपरिषदेच्या उपसभापती डॉ. निलम गोऱ्हे या शिष्टमंडळाचे नेतृत्व करीत आहेत. मंगळवारी ॲमस्टरडॅम येथे भारताच्या राजदूत रीनत संदू तसेच नेदरलॅंडमधील कृषी मंत्रालयाच्या अधिकाऱ्यांची या शिष्टमंडळाने भेट घेतली.

या अभ्यास भेटीत आधुनिक कृषी प्रक्रिया तंत्रज्ञान, प्रदूषण नियंत्रण, जलव्यवस्थापन, नैसर्गिक जलस्रोत संवर्धन, दुग्धप्रक्रिया आदी क्षेत्रांशी संबंधित माहिती शिष्टमंडळ सदस्यांनी जाणून घेतली. दुग्ध उत्पादन, कृषी प्रक्रिया उद्योग क्षेत्रात नेदरलॅंडने केलेली प्रगती कौतुकास्पद आहे. कोवीड काळानंतर दोन्ही देशांमधील व्यापार आणि उद्योगवाढीच्या दिशेने नवी भरारी घेतल्याचे डॉ. निलम गोऱ्हे यांनी यावेळी सांगितले.
नेदरलँड येथील मराठी मंडळाच्या सदस्यांनी मराठी भाषा आणि संस्कृती यांच्या संवर्धनासाठी नॉर्वेमध्ये आयोजित करण्यात येत असलेल्या उपक्रमांची या शिष्टमंडळास माहिती दिली.