‘डॅशिया’ नावाची नवीन डस्टर एसयूव्ही पुढील महिन्यात २९ नोव्हेंबर रोजी लाँच केली जाऊ शकते. दिवाळीनंतर येणाऱ्या या वाहनाकडे अनेकांच्या नजरा लागल्या आहेत. ‘सिया बिगस्टर’पासून प्रेरणा घेऊन या गाडीचे डिझाईन करण्यात आले आहे. आगामी डस्टरचे डिझाइन आकर्षक आकाराचे असेल. ही नवीन डिझाइन केलेली एसयुव्ही फ्रंट लोखंडी जाळी, आकर्षक एलईडी हेडलॅम्प्स, अॅल्युमिनियम स्किड प्लेट्ससह बंपर आणि ठळकपणे फ्लेर्ड फेंडर्सचे प्रदर्शन करण्यासाठी सज्ज आहे. याशिवाय इतरही अनेक बदल बाह्यभागात पहायला मिळतात. आगामी ‘डॅशिया’ मध्ये नवीन इंजिन पर्याय मिळण्याची शक्यता आहे.
1.3 लीटर टर्बो पेट्रोल युनिट ही आतापर्यंतची सर्वात शक्तिशाली डस्टर एसयूव्ही बनवेल. हे 167.6 बीएचपी पॉवर जनरेट करण्यास सक्षम आहे. इतर इंजिन पर्यायांपैकी, रेनॉल्टने 1.0 लिटर पेट्रोल इंजिन सादर करणे अपेक्षित आहे, जे 109 बीएचपी उत्पादन करण्यास सक्षम आहे. यात 1.2 लीटर पेट्रोल हायब्रिड इंजिन देखील असू शकते, जे 118 बीएचपी आणि 138 बीएचपी दरम्यान पॉवर जनरेट करू शकते. दक्षिण अमेरिकेची बाजारपेठ, ऑस्ट्रेलिया आणि न्यूझीलंडमध्ये प्रथम रेनॉल्ट बॅजिंगसह ही लाँच केली जाईल. ‘डॅशिया’ बॅजिंगसह पुढील वर्षाच्या सुरुवातीला ते युरोपमध्ये लाँच होण्याची शक्यता आहे. लोक या वाहनाची आतुरतेने वाट पाहत आहेत.