लोखंडी वस्तूंपासून दैनंदिन जीवनासाठी आवश्यक गोष्टी बनवणे, वेल्डिंगद्वारे लोखंडी वस्तू जोडणे, तुटलेल्या वस्तू जोडणे किंवा नवीन वस्तू बनवणे, त्याचप्रमाणे औद्योगिक क्षेत्रासाठी वस्तू व अवजारे तयार करणे, शेतीसाठी वापरण्यात येणारी अवजारे तयार करणे, अशी कामे उद्योगात केली जातात. भांडवल उपलब्ध असल्यास ग्राहकांच्या गरजेनुसार नवीन लोखंडी वस्तू तयार करून विकू शकतात. त्या वस्तू मोठ्या व्यापाऱ्यांना देऊ शकतात, किंवा ग्राहकांच्या गरजेनुसार तयार करून देऊ शकतात. थोडी शारीरिक मेहनत करण्याची तयारी असेल तर ग्रामीण तरुण, शहरी भागातील तरुण, बेरोजगार तरुण, नवउद्योजक यांना आयुष्यभर फॅब्रिकेशनचा व्यवसाय मिळू शकतो. या व्यवसायातील अनुभवातून शिकलेली कला या व्यवसायात कार्यक्षम होण्यास मदत तर होतेच, शिवाय नावही कमावते. मोठ्या कंपन्या, कारखाने, औद्योगिक उद्योगांना नेहमी वेल्डिंग किंवा फॅब्रिकेशन कामाची आवश्यकता असते. तुम्ही सिंगल वेल्डिंग मशीन, ड्रिलिंग मशीन, कटर आणि टूल्स खरेदी करून हा व्यवसाय सुरू करू शकतात. व्यवसाय सुरू करण्यापूर्वी तुम्हाला किमान एक वर्ष थेट फॅब्रिकेशनमध्ये काम करून अनुभव घ्यावा लागेल.

यानंतर एक किंवा दोन अकुशल मजूर मदतनीस घेऊन व्यवसाय सुरू करू शकतात.  स्वतः बनवलेल्या खुर्च्या, त्यांना आपल्या स्वतःच्या ब्रँडचे लेबल लावा. फॅब्रिकेशन फॅक्टरीसमोर स्वतःचे दुकान लावा. असा माल पुरवणाऱ्या व्यापाऱ्यांना घाऊक किंमतीत माल देऊ शकता. फॅब्रिकेशन व्यवसायात ग्राहक शोधण्याची गरज नसते. ग्राहकच आपल्याला शोधत येतो. वेल्डिंग आणि फॅब्रिकेशनच्या कामाचे जास्त मजुरी दर असल्यामुळे केलेल्या कामालाही चांगला भाव मिळतो. फॅब्रिकेशनच्या कामात ‘गॅस वेल्डिंग’ आणि ‘इलेक्ट्रिकल वेल्डिंग’ हे दोन प्रकारचे वेल्डिंग आहेत. हे वेल्डिंग प्रकार दोन धातूच्या वस्तू जोडण्यासाठी वापरले जातात.

स्टेनलेस स्टील, स्टील आणि लोह चांगले वेल्डेड केले जाऊ शकते. दैनंदिन जीवनातील धातूचे साहित्य तुटल्यानंतर ते वेल्डिंगद्वारे परत एकत्र केले जातात. वेल्डिंगचा वापर व्यावसायिक कारणांसाठीही केला जातो. बहुमजली इमारती, मोठी घरे, बंगले बांधताना त्यांचे दरवाजे, खिडक्या, ग्रील्स, कात्री, शटर आदी कामे फॅब्रिकेशन उद्योजक वेल्डिंगद्वारे करतात. ‘आर्क वेल्डिंग’चा वापर गोष्टींमध्ये सामील होण्यासाठी किंवा संयुक्त कार्य करण्यासाठी देखील केला जातो. फॅब्रिकेशनचे काम शिकण्यासाठी सरकारी किंवा खासगी आयटीआय संस्था शीट मेटल आणि वेल्डिंगचे अभ्यासक्रम शिकवतात. तेथे एक वर्षाचा कोर्स करुन फॅब्रिकेशन फॅक्टरीत किमान एक वर्ष थेट काम करून अनुभव मिळवून व्यवसाय सुरू करा. स्थानिक कंपन्या आणि कारखाने फॅब्रिकेशनचे काम देऊ शकतात. त्यासोबतच स्थानिक किंवा शहरी कंपन्या अशा प्रकारचे लोखंड देऊ शकतात. तिजोरी, खाट, झूले, कपाट, खुर्च्या या वस्तू बनवून भारतातील व्यापाऱ्यांना देता येतात. गावातील घरे, बंगल्यांच्या ग्रील्स, खिडक्या, दरवाजे बनवून देता येतील. दुकानाचे शटर, लोखंडी कॅबिनेट तयार करून देता येतील. यासाठी लोखंडी पत्रे, वेल्डिंग रॉड, लोखंडी पट्ट्या, खिडकीच्या ग्रीलच्या डिझाइन इत्यादी आवश्यक असतात. वेल्डिंग मशीन, ड्रिलिंग मशीन, कटर, गॅस वेल्डिंग, अशी मशिनरी तसेच केबल्स, होल्डर, इलेक्ट्रो रॉड्स, गॅस कटर, वेल्डिंगसाठी छोटी-मोठी साधने आवश्यक असतात.