बदलत्या जीवनशैलीत अन्नपदार्थ उद्योग सध्या अत्यंत महत्त्वाचे झाले आहेत.  व्यक्तिपरत्वे या पदार्थांच्या चवीमध्येही फरक असतो. त्यामुळे वेगवेगळ्या ठिकाणची चव चाखण्यासाठी अर्थातच ग्राहकांची पाऊले अशा ठिकाणी वळत असतात.  खाद्यपदार्थांच्या दुकानांवर बरेच संभाव्य ग्राहक असतात. विविध प्रकारचे खाद्यपदार्थ विक्रेते बाजारात असतात, तरीही त्यांना व्यवसायासाठी वाव असतो.

प्रत्येक खाद्य व्यवसायाचे फायदे आणि तोटेही असतात.  हा व्यवसाय म्हणजे आपली पूर्ण वेळ नोकरी आहे, असे समजून काम केले तर त्यातून अपेक्षित फायदा मिळवू शकता. त्यामुळे तुम्हाला तुमच्या स्वतःच्या आवडी आणि तुम्ही काय करू शकता याचा विचार सर्वात आधी करावा लागेलआपल्यासाठी सर्वोत्तम असलेली खाद्य व्यवसाय कल्पना निवडावी लागेल.

आपण ‘फूड इंडस्ट्री’मध्ये जाण्याचा विचार करीत असाल, तर ‘फूड ट्रक’ हा खाद्य व्यवसायात प्रवेश करण्याचा एक विशेष लोकप्रिय मार्ग बनला आहे. सध्या, फूड ट्रक्सची वाढ पारंपरिक रेस्टॉरंटपेक्षा जास्त होत आहे. ‘फूड ट्रक’ व्यवसाय एखाद्या शेफला तीच संधी देऊ शकतो, जी त्यांना रेस्टॉरंटमध्ये त्यांचा स्वतःचा अनोखा मेनू विकसित करण्यासाठी मिळेल, परंतु रेस्टॉरंटच्या मालकीसह ग्राहकांना दरवाजातून पोहोचवणे हे सर्वात मोठे आव्हान असू शकते.

बऱ्याच शहरांमध्ये हा व्यवसाय अलिकडे चांगले मूळ धरताना दिसत आहे.  आपण ज्याठिकाणी हे वाहन लाऊन व्यवसाय करणार आहात, तेथील स्थानिक अधिकारक्षेत्रातील नियमांची माहिती करुन घेणे अत्यावश्यक आहे.  ‘फूड ट्रक’ची एक मोठी गोष्ट म्हणजे तो उत्पन्नाचा एकमेव स्रोत देतो, असे नाही.  या वाहनातून  आपल्या खाद्यपदार्थांची  माहिती दिली जाते.  कॅटरिंग सेवा पुरविली जाऊ शकते. आपला जनसंपर्क वाढतो. आपण ऑनलाईन सेवा देऊ शकता. खाद्यपदार्थांच्या मागण्या स्वीकारुन त्यांचा पुरवठा करु शकता. त्यामुळे फुड ट्रकला अलिकडे तरुण-तरुणी विशेष पसंती देताना दिसत आहेत.