हस्तकलेचे उद्योग हे प्राचीन काळापासून चालत आलेले आहेत. आुधनिक काळातही हस्तकलेच्या वस्तू भाव खाऊन जातात. भरतकामापासून लाकूडकामापर्यंत सर्व गोष्टींचा समावेश यात होतो. अभ्यास सांगतो की, आपल्या हातांनी काम केल्याने मानसिक आरोग्याचे अनेक फायदे मिळतात. हस्तकला मेंदूला चालना देते. माणसाच्या क्रियाकलापांमध्ये विविधता आणते. जे संगणकावर काम करतात त्यांची सर्जनशीलता वाढविण्यास मदत करते. तणाव आणि चिंता कमी करू शकते.

हस्तकलेचे उद्योग करणारी माणसे आपली अंगभूत कला अशा पद्धतीने जोपासतात, ज्याद्वारे आर्थिक उत्पन्नाचा मोठा स्त्रोत ते निर्माण करतात. आपल्या उत्पादनात विविधता आणतात. आपली उत्पादने आकर्षक बनवतात. ऑनलाइन, ऑफलाईन हस्तकला मेळाव्यांमध्ये ते सहभागी होतात. आपली उत्पादने शक्य तिथे विक्रीसाठी ठेवतात. सगळ्यात महत्वादनचे म्हणजे आपली आवड उत्पादनांमध्ये परिवर्तित करतात. त्यांची उत्पादने बनवायची आणि विक्री करायची यादी ऑनलाइन किरकोळ विक्रेत्यांद्वारे विकल्या जाणाऱ्या लोकप्रिय उत्पादनांवर, हस्तकला स्त्रोतांकडून आलेले अंदाज आणि ट्रेंडिंगवर आधारित असते. हस्तकलेचे उद्योग प्रामुख्याने ऑनलाईन व्यासपीठाचा वापर करुन घेतात. याठिकाणी त्यांना हस्तकेलेल्या वस्तुमंध्ये विशेष अभिरुची असणारे अनेक ग्राहक भेटतात.

नवीन युगातील कल्पकतेने केली जाणारी कागदाची फुले बनविण्याची संकल्पना अलिकडे चांगलीच लोकप्रिय झाली आहे. ही एक फलदायी कल्पना आहे. सन 2030 पर्यंत या उद्योगातून होणारी उलाढाल 414 डॉलर्स अब्जच्या वर जाण्याची अपेक्षा आहे. विवाहसोहळा तसेच अन्य समारंभांसाठी कागदी फुलांचा वापर केला जातो. कागदाची फुले बनविण्याची सर्वात सोपी कलाकृती आहे. या उद्योगाचा प्रारंभ करण्यासाठी अगदी कमी खर्चाची आवश्यकता असते. ब्रिटनी वॉटसन जेप्सन हिने या उद्योगात स्वत:ची कारकीर्द तयार केली. ब्रिटनीच्या कागदी फुलांच्या कलाकृती विशेष लोकप्रिय ठरल्या. सुरुवातीला तिला अनेक अडचणी आल्या; परंतु आता ती इतरांना घरबसल्या किट विकते. मुलांसाठी किंवा प्रौढांसाठी अशा वेगवेगळ्या कलाकृती बनविता येऊ शकतात.

हस्तकलेमध्ये वनस्पती आणि वनस्पतींचे सामान विकणाऱ्या उद्योगही फार महत्वागवचे आहेत. मातीच्या कुंड्यांची गरज नेहमीच असते. या भांड्यांसाठी भट्ट्या लागतात. वनस्पतीच्या कुंड्या चिकणमाती किंवा सिमेंटपासूनही बनवता येतात. रॅचेल अकोस्टा हिने तिची शास्त्रज्ञाची नोकरी सोडली. तिचा मातीकामाचा छंद करिअर म्हणून जोपासला. तिने डिनरवेअर आणि साबण डिशेस यांसारख्या बऱ्याच वस्तूंसोबत सिरॅमिक वनस्पतींची भांडी आणि फुलदाण्या बनवून विक्रीस सुरुवात केली. मातीची भांडी बनवणे आणि विक्री करणे ही अधिक आव्हानात्मक हस्तकलेपैकी एक आहे. अशा हस्तकलांना आज मोठा वाव आहे.