सॉस हे जवळजवळ प्रत्येक पाककृतीचे वैशिष्ट्य आहे. कोणत्याही आहाराशी जुळवून घेणे तुलनेने सोपे असते. ते चवदार, गोड, मसालेदार किंवा तिन्ही प्रकारचे असू शकते. मुलांना तर प्रत्येक पदार्थाबरोबर सॉस हवा असतो. शेफनाही वेगवेगळ्या पदार्थांचा स्वाद वाढविण्यासाठी सॉस हवे असतात. सॉस बनवून त्याची विक्री करणे हा एक चांगला रोजगार देणारा व्यवसाय आहे. दुकानदारांना, हॉटेल व्यावसायिकांना विकण्यासाठी सॉस हे एक उत्तम उत्पादन आहे. खाद्यप्रेमी नेहमीच नवीन अभिरुची शोधत असतात.

सॉस पदार्थांचा स्वाद वाढवण्याचे काम करतात. ब्रेड, पोळीबरोबर सॉस चालतात. गरम-गरम पदार्थांबरोबर सॉस छान लागतात. त्यामुळे सॉस ही अलिकडची ग्राहकांची वाढती मागणी आहे. याकरिता ग्राहकांना आवडतील अशा पद्धतीचे सॉस बनवा. त्यासाठी प्रशिक्षण घ्या. स्वत:चा ब्रँण्ड बनवा. आणि सॉस हे फक्त रात्रीच्या जेवणाचेच वैशिष्ट्य असण्याची गरज नाही. कस्टर्ड, बटरस्कॉच, फळ-स्वाद सॉस यासारखे डेझर्ट सॉसदेखील तितकेच लोकप्रिय आहेत.

जेव्हा खाद्यप्रेमींना त्यांच्या आवडीची चव सापडते, तेव्हा ते त्यालाच सर्वाधिक पसंती देतात. नवीन ग्राहक जेव्हा सॉसचा विचार करतात, तेव्हा ते अपरिचित ब्रँड्स वापरुन बघतात. आपला सॉस आवडल्यास ते त्यालाच पसंती देतील.

सॉसचे आकर्षण त्यांच्या विशिष्टतेमध्ये आहे. फ्लेवर्सचे योग्य संतुलन राखणे कधीकधी आव्हानात्मक असू शकते. सॉस बनवणे, तो बाटल्यांमध्ये भरणे, टिकण्यासाठी प्रक्रिया करणे हे फार गरजेचे असते. त्यामुळे प्रशिक्षण मनापासून आणि उत्तम घ्यावे. आपण केलेला सॉस बाजारात विक्रीला गेला पाहिजे. त्याची जाहिरात करता आली पाहिजे. आपला सॉस आपणास विकता आला पाहिजे. यासाठी जाहिरात कौशल्यही शिकून घ्यावीत. हा एक उत्तम व्यवसाय आहे.