भारतीय बाजारपेठेत नवीन पिढीची ‘रेनॉल्ट डस्टर’ लवकरच सादर केली जाऊ शकते. माध्यमांच्या अहवालानुसार, नवीन एसयुव्ही ही कंपनी फक्त पेट्रोल इंजिनसह आणू शकते. कंपनीकडून फक्त पेट्रोल इंजिन दिले जाऊ शकते.
मिळालेल्या माहितीनुसार, या एसयूव्हीला एकापेक्षा जास्त पेट्रोल इंजिन पर्यायांसह आणण्याची तयारी सुरू आहे. तथापि, कंपनीकडून या एसयुव्हीबाबत कोणतीही माहिती अद्याप सार्वजनिक करण्यात आलेली नाही.
या एसयूव्हीमध्ये सामान्य तंत्रज्ञानाच्या पेट्रोल इंजिनशिवाय कंपनी हायब्रिड तंत्रज्ञानही देऊ शकते. माहितीनुसार, 1.0 लीटर टर्बो पेट्रोल इंजिन व्यतिरिक्त कंपनी 1.3 लीटर टर्बो पेट्रोल इंजिन देखील देऊ शकते. त्याचवेळी या वाहनात 1.5 लीटर नॅचरली एस्पिरेटेड इंजिनही दिले जाऊ शकते. भारतात ही एसयूव्ही हायब्रिड तंत्रज्ञानासह पेट्रोल इंजिनसह आणली जाऊ शकते. नवीन डस्टरमध्ये बंपर, ग्रिल, लाइट्स तसेच इंटीरियर देखील इतर एसयुव्हीच्या तुलनेत अधिक चांगल्या अपडेट्ससह आणले जाईल. ही एसयुव्ही पुढच्या वर्षीच्या सुरुवातीला भारतात आणली जाऊ शकते, अशी अपेक्षा आहे.