ॲमेझॉन प्राइम व्हिडिओची लोकप्रिय वेबमालिका ‘पंचायत’च्या नवीन भागाची प्रेक्षकांना मोठी प्रतीक्षा आहे. सचिव आणि ‘फुलेरा’ गावातील रहिवासी यांच्यातील संघर्ष पुन्हा एकदा पाहण्यासाठी चाहते उत्सुक आहेत. अलीकडेच प्राइम व्हिडिओने ‘पंचायत 3’ ची घोषणा केली होती.
सन २०२० मध्ये प्रदर्शित झालेल्या ‘पंचायत’ या लोकप्रिय वेबमालिकेचा दुसरा भाग सन २०२२ मध्ये प्रदर्शित झाला होता. तेव्हापासून या मालिकेच्या तिसऱ्या भागाबद्दल चाहत्यांमध्ये उत्सुकता आहे.
जितेंद्र कुमार, रघुबीर यादव, नीना गुप्ता आणि चंदन कुमार यांचा अभिनय या मालिकेत पहायला मिळतो. अद्याप ‘ पंचायत ३’ बाबत अधिकृत घोषणा करण्यात आलेली नाही. वेबमालिकेच्या जवळच्या सूत्रांनी दिलेल्या माहितीनुसार, हा तिसरा भाग पुढील महिन्याच्या अखेरीस प्रदर्शित होऊ शकतो. मालिकेच्या स्ट्रीमिंगची तारीख लवकरच निर्मात्यांद्वारे अधिकृतपणे जाहीर केली जाईल.