महाराष्ट्र सरकारने ई-कॅबिनेट प्रणाली लागू करण्याची प्रक्रिया सुरू केली आहे. याअंतर्गत, राज्यमंत्री आणि निवडक वरिष्ठ अधिकाऱ्यांना अॅपल आयपॅड प्रदान केले जातील. राज्य सरकार मंत्री आणि उच्च अधिकाऱ्यांसाठी १.१६ कोटी रुपयांना अॅपल आयपॅड खरेदी करणार आहे. महाराष्ट्र सरकारने जारी केलेल्या निवेदनात असे म्हटले आहे की, टचस्क्रीन टॅब्लेट पीसी खरेदी केल्याने मंत्री आणि सरकारी अधिकाऱ्यांची प्रशासकीय कार्यक्षमता वाढेल. यासोबतच, मंत्रिमंडळाच्या बैठका कागदविरहित पद्धतीने आयोजित करण्यास मदत होईल.
महाराष्ट्र सरकारने जारी केलेल्या निवेदनात म्हटले आहे की, राज्याच्या मुख्य सचिवांनी सर्व मंत्री आणि काही उच्च अधिकाऱ्यांसाठी ५० आयपॅड खरेदी करण्याचा प्रस्ताव पाठवला होता. प्रस्तावात असे म्हटले आहे की ऊर्जा, उद्योग आणि कामगार विभागांनी शिफारस केलेल्या तांत्रिक वैशिष्ट्यांनुसार आयपॅड खरेदी केले जातील.
करांसह आयपॅडची एकूण किंमत १,१६,६५,००० रुपये असेल. हे आयपॅड कॅबिनेट मंत्री आणि मंत्री परिषदेच्या सदस्यांना उपलब्ध करून दिले जातील. अर्थ मंत्रालयाच्या सूत्रांनी सांगितले की, आयपॅड हे उच्च दर्जाचे अॅपल मॉडेल असतील, प्रत्येकी १ किंवा २ टीबी स्टोरेजसह. यामुळे महाराष्ट्र सरकारच्या मंत्र्यांचे आणि अधिकाऱ्यांचे काम सोपे होईल, असे निवेदनात म्हटले आहे. दुसरीकडे, मुख्यमंत्री देवेंद्र फडणवीस यांनी बुधवारी मुंबईत वैद्यकीय शिक्षण क्षेत्र विकास कार्यक्रमासाठी आशियाई विकास बँकेच्या मदतीबाबत आढावा बैठकीचे अध्यक्षस्थान भूषवले.