पंतप्रधान नरेंद्र मोदी शुक्रवारी उत्तर प्रदेशातील वाराणसी आणि मध्य प्रदेशातील अशोकनगर जिल्ह्याला भेट देतील. पंतप्रधान मोदींचा हा वाराणसीचा ५० वा दौरा असेल. यावेळी ते ३,८८० कोटी रुपयांपेक्षा जास्त किमतीच्या विविध विकास प्रकल्पांचे उद्घाटन आणि पायाभरणी करतील. पंतप्रधान कार्यालयाने (पीएमओ) जारी केलेल्या अधिकृत निवेदनानुसार, पंतप्रधान वाराणसीमध्ये एका विशाल जाहीर सभेलाही संबोधित करतील. वाराणसी दौऱ्यानंतर, ते मध्य प्रदेशातील इसागढ तहसीलमधील आनंदपूर धामला पोहोचतील, जिथे ते गुरुजी महाराज मंदिरात भेट देतील आणि प्रार्थना करतील.
पंतप्रधान मोदी वाराणसीमध्ये पायाभूत सुविधा, रस्ते, वीज, शिक्षण आणि सुरक्षा यांसारख्या प्रकल्पांची घोषणा करतील. हा ३,८८० कोटी रुपयांचा प्रकल्प असेल. या प्रसंगी, पंतप्रधान मोदी वाराणसीमध्ये पायाभूत सुविधांच्या विकासासाठी रस्ते संपर्क वाढविण्यासाठी विविध रस्ते प्रकल्पांचे उद्घाटन आणि पायाभरणी करतील. पंतप्रधान मोदी ज्या प्रकल्पांची पायाभरणी करतील. त्यामध्ये शहरातील भिखारीपूर आणि मांडुआडीह क्रॉसिंगवरील उड्डाणपूल, वाराणसी रिंग रोड आणि सारनाथ दरम्यान एक रस्ता पूल आणि वाराणसी आंतरराष्ट्रीय विमानतळावरील राष्ट्रीय महामार्ग-३१ वर एक महामार्ग अंडरपास रोड बोगदा यांचा समावेश आहे. याशिवाय, पंतप्रधान मोदी अनेक प्रकल्पांचे उद्घाटन आणि पायाभरणी करतील.
सुरक्षा कर्मचाऱ्यांच्या सुविधा सुधारण्यासाठी पोलिस लाईनमधील ट्रान्झिट हॉस्टेल आणि पीएसी रामनगर कॅम्पसमधील बॅरेक्सचे उद्घाटनही पंतप्रधान मोदी करतील. यावेळी पंतप्रधान मोदी विविध पोलिस ठाण्यांमध्ये नवीन प्रशासकीय इमारतींचे भूमिपूजन देखील करतील. यासोबतच, पंतप्रधान मोदी पोलिस लाईनमध्ये निवासी वसतिगृहाची पायाभरणीही करतील.