नागपूर येथील गोरेवाडा परिसरात सुमारे 3 लाख स्केअर मीटर क्षेत्रावर बायो-डायव्हर्सिटी हा पार्क साकारण्याबाबत  प्राथमिक आढावा बैठक मुख्यमंत्री यांच्या ‘रामगिरी’ या शासकीय निवासस्थानी संपन्न झाली.

निसर्गाचे जतन आणि संवर्धन ही भावना समाजाच्या प्रत्येक घटकात रुजण्यासाठी निसर्गाच्या माध्यमातून लोकांना कृतिशील संदेश देणे आवश्यक आहे. यासाठी  गोरेवाडा परिसरातील प्रस्तावित  पार्क एक उत्तम माध्यम ठरेल, असा विश्वास मुख्यमंत्री देवेंद्र फडणवीस यांनी यावेळी व्यक्त केला.

या बैठकीस विधानपरिषद सदस्य संदीप जोशी, मनपा आयुक्त डॉ. अभिजीत चौधरी, अतिरिक्त आयुक्त बी. वैष्णवी, ग्रिन यात्राचे प्रदीप त्रिपाठी आदी मान्यवर उपस्थित होते.

या पार्कमध्ये देवराई वन, नक्षत्र वन, राशी वन, औषधी वनस्पती संशोधन व संवर्धन, फुलपाखरु व काजवे असलेले वन, विविध मातींचे वैविध्य जपणारे दालन, पर्जन्यमापन,  योगा विभाग, शांतता विभाग,  कौटुंबिक विभाग, मानसशास्त्र, आरोग्य या प्रमुख घटकांना प्राधान्य दिले जाणार आहे.