सध्या बाजारात विविध प्रकारच्या आकर्षक टी-शर्टला मागणी आहे. या टी-शर्टवर आपणास हवी असलेली डिझाईन छपाई करून मिळत असल्याने या तरुणांमध्ये तर याचे फार आकर्षण आहे. आजकाल सर्व प्रकारच्या सेवा पुरवठादार तसेच कोणताही कार्यक्रम, रेस्टॉरंट्स, शोरूम्स इत्यादींमध्ये कर्मचाऱ्यांचा स्वतःचा प्रिंटेड टी-शर्ट देतात.

छपाईसाठी घेतलेल्या सामान्य दर्जाच्या पांढऱ्या टी-शर्टची किंमत सुमारे 120 रुपये आहे. त्याची छपाईची किंमत 1 रुपये ते 10 रुपये आहे. जर दर्जेदार छपाई हवी असेल, तर त्यासाठी तुम्हाला 20 ते 30 रुपये खर्च करावे लागतील. तुम्ही ते किमान 200 ते 250 रुपयांना विकू शकता. जर तुम्ही थेट विकले, तर तुम्हाला टी-शर्टवर किमान 50 टक्के नफा मिळू शकतो. तुम्ही स्वतः छापलेले टी-शर्ट ऑनलाइनही विकू शकता. त्याची किंमतही कमी आहे. आपण इच्छित असल्यास, आपण स्वतःचा ब्रँड देखील तयार करू शकता. ब्रँडचे उत्पादन कोणत्याही ई-कॉमर्स प्लॅटफॉर्मवर विकले जाऊ शकते. यासोबतच बाजारातील दुकानातही विक्री करता येते.

हा व्यवसाय सुरू करण्यासाठी आपणास यामध्ये सुरुवातीला सुमारे 60 ते 70 हजार रुपयांची गुंतवणूक करावी लागेल. यातून आपण दरमहा 30 ते 40 हजार रुपये कमवू शकता. या व्यवसायासाठी टी-शर्ट प्रिंटर, हीट प्रेस, संगणक, पेपर आणि टी-शर्ट प्रिंटिंगसाठी कच्चा माल या आवश्यक गोष्टी आहेत. सर्वात स्वस्त मशीन मॅन्युअल असून यामधून एक टी-शर्ट 1 मिनिटात तयार केला जाऊ शकतो. यासाठी तुम्हाला टी-शर्ट छपाई यंत्र खरेदी करावे लागेल. याची किंमत 50,000 रुपयांपर्यंत आहे.

सुरुवातीला आपण हा व्यवसाय घरातून करू शकता. आपल्या आसपास असा व्यवसाय आहे का, याचा अभ्यास करा. आपल्याकडे मोठ्या प्रमाणातील टी-शर्टची मागणीही येऊ शकते.