पाळीव प्राण्यांचे दुकान थाटणे तेवढेही सोपे नाही; परंतु योग्य साधने आणि ते कसे वापरायचे याची चांगली जाण असल्यास आपण ते उत्तमपणे करु शकतो. पाळीव प्राण्यांचा व्यवसाय करणे म्हणजे प्राण्यांचे संगोपन करणे, त्यांना वाढवणे, त्यांना आहार देणे आणि गुबगुबीत निरोगी करुन त्यांची विक्री करणे हा आहे. या प्राण्यांच्या किंमती हजारोच्या अंकातच सुरु होतात. प्राण्यांच्या वेगवेगळ्या जीता आणि त्यांच्या वैशिष्ट्यावरुन किंमती ठरत असतात. अमेरिकेसारख्या देशामध्ये ‘पाळीव प्राणी केंद्रा’ मधील स्वारस्य कमालीचे वाढले आहे. ‘अमेरिकन पेट प्रॉडक्ट्स असोसिएशन’च्या मते, सन २०२० मध्ये, अमेरिकेतील पाळीव प्राणी मालकांनी त्यांच्या प्राण्यांवर १०३.६ अब्ज डॉलर्स खर्च केले. पाळीव प्राणी व्यवसाय सर्व प्रकारात येतात. काही पाळीव प्राण्यांची दुकाने मांजर आणि कुत्रे यांची विक्री करतात. काहीजण अन्य प्राण्यांमधील तज्ज्ञ असू शकतात.

पाळीव प्राण्यांची दुकाने सहसा पाळीव प्राण्यांच्या सेवांचे संयोजन करतात.  या प्राण्यांचे खाद्यपदार्थ वेगळे असतात. सहसा किराणा मालाच्या दुकानात ते उपलब्ध होत नाहीत. पशुंच्या खाद्यपदार्थांच्या दुकानात ते मिळतात. पाळीव प्राण्यांचे दुकान सुरू करण्यासाठी मुळात त्यांच्याविषयी मनात प्रेम हवे. प्राण्यांच्या आसपास राहणे, पाळीव प्राण्यांचे मित्र बनणे हे जमायला हवे. या प्राण्यांचे आरोगय, त्यांचे आजार, त्यावरील औषधोपचार याबाबत माहिती असायलाच हवी.  प्राणी पाळण्याचा व्यवसाय करणे हा या उद्योगात प्रवेश करण्याचा उत्तम मार्ग आहे. सध्याची स्थिती पाहता या उद्योगासाठी  संभाव्य ग्राहकांची कमतरता असण्याची शक्यता नाही. तुलनेने कमी खर्चात आपण सेट अप देखील करू शकता. या प्राण्यांचा विमा हा तुमचा सर्वात मोठा खर्च असेल. परंतु लवकरच तुम्ही ग्राहकांची यादी तयार करू शकता. कर्मचारी नियुक्त करून प्राण्यांची विक्री करु शकता. यातून चांगला आर्थिक लाभ मिळवू शकता. जर तुम्हाला विक्रीबरोबरच पाळीव प्राण्यांशी संबंधित एखादे उत्पादन तयार करण्याची इच्छा असेल तर आपण तेही सुरु करु शकता. पाळीव प्राण्यांचा खाद्य व्यवसाय करु शकता.

या उद्योगासाठी तुम्हाला परवाने घेण्याची देखील आवश्यकता असेल. जर तुम्हाला स्वत:च्या घरात सुलभता असेल तर तुम्ही खूप कमी खर्चात हा उद्योग सुरु करू शकता. एकदा का व्यवसायात वाढ झाली की अन्य ठिकाणी हलवू शकता. गेल्या काही वर्षांत पाळीव प्राण्यांसाठी ‘क्लोथिंग’ ही संकल्पना अधिक लोकप्रिय झाले आहे, कुत्रे आणि मांजरींसाठी डिझाइन केलेले शर्ट, पोशाख आणि उपकरणे लोक सहजपणे विकत घेतात. कुत्र्याचे कपडे विकताना ‘निचिंग’ देखील विशेषतः महत्वाचे आहे. लोक त्यांच्या फॅशनच्या निवडीबद्दल खूप आग्रही असू शकतात. हा व्यवसाय  विश्वासावर खूप अवलंबून असेल. हा केवळ ग्राहकांशी चांगले संबंध राखून साध्य केला जाऊ शकतो.